Instrumentet për tregti dhe margjinat

Tregtia me valuta (ose tregtia me deviza) përshin blerjën e njërës dhe shitjen e valutës tjetër për të realizuar fitim nga lëvizja e pritur e kursit të këmbimit. Tregu global devizor është tregu më i madh dhe më likuid në botë ku tregtohet gjatë tërë ditës. Pjesëmarrës në treg janë bankat, korporatat dhe organizatat tjera me qëllim të tregtisë ndërkombëtare dhe reduktimit të riskut, si dhe tregtarët ose spekullatorët të cilët përpiqen të fitojnë nga lëvizjet e çmimeve.

Kontratat për diferenca (CFD-të) ofrojnë mundësi të realizimit të ekspozimit ndaj lëvizjeve të pritura të çmimeve në aktivet e caktuara, siç janë valutat, lëndët e para, aksionet ose indeksët. CFD-të janë derivativë financiarë me levë të cilët mundësojnë një ekspozim të lartë në aktivin në fjalë me shpenzime të vogla. Gjatë tregtisë me CFD në Fortrade, nuk blini (ose shisni) aktivin në fjalë, por në vend të kësaj hapni një pozicion “të gjatë” (blerje) ose “të shkurtër” (shitje) sipas çmimit Spot të aktivit.

CFD-të ju ofrojnë përparësi të shumta ndaj alternativave tjera, përfshirë ekzspozimin ndaj levës, që ofron kthim potencialisht të lartë për shpenzime minimale, tregti gjatë tërë ditës dhe akses të thjeshtë dhe të shpejtë në treg.

Fortrade ofron një gamë të gjërë instrumentesh financiare: çifte valutash, aksione, indeksë, produkte energjetike, metale të çmuara, obligacione amerikane dhe të tjera.

Ju lutemi kontaktoni Përfaqësuesin tuaj (ose me email [email protected]) për të mësuar më shumë rreth ofertës së ECN të Fortrade.

Klikoni këtu për kushtet e tregtimit të ECN të Fortrade.

CFD është akronim për “Contract for Difference” (Kontratë për diferencë), ku “diferenca” në fakt paraqitet ndërmjet pikëve të hapjes dhe mbylljes së tregtisë suaj.

Fortrade krijon kontratën CFD bazuar në kushtet aktuale të tregut të cilat mundësojnë tregtinë në bazë të lëvizjes së çmimeve të burimeve përkatëse financiare. Ne ofrojmë CFD-të mbi një asortiment të gjërë në tregun global dhe instrumentet tona CFD përfshijnë aksionet, obligacionet e shtetit, çiftet valutore, lëndët e para dhe indeksët e bursave, sikurse UK 100, që grupon lëvizjen e të gjitha çmimeve të aksioneve të listuara në FTSE 100.

Kontrata do të përmbajë çmimin e “blerjes” dhe të “shitjes” dhe ju ofron opsionin e zgjedhjes, a do të “blini”, që është i njohur si “pozicion i gjatë”, apo do të “shisni” që është i njohur si “pozicion i shkurtër”. Është e rëndësishme të mbani mend se jeni duke tregtuar me kontrata CFD dhe se nuk jeni duke tregtuar fizikisht në tregun në fjalë. Në të njëjtën kohë CFD-të janë një produkt shumë fleksibil i cili ju jep mundësinë e përdorimit të opsionit të ndalimit të humbjes dhe kufizimit. Gjithashtu kërkon një nivel të lartë të menaxhimit të riskut duke përdorur urdhërat E NDALESËS.

CFD-të përdorin levën dhe margjinat. Kjo nënkupton se duhet të bëni vetëm një pagesë të vogël për një ekspozim shumë më të madh në treg. Kjo quhet “tregti në margjina”. Ju duhet vetëm të paguani një përqindje të vogël të shumës së përgjithshme tregtare për të hapur një pozicion.

Ndonëse tregtimi në margjina ju mundëson të rrisni fitimet, humbjet gjithashtu do të rriten. Leva bartë rreziqe të mëdha. Ndonëse kapitali juaj investiv mund të shkoj më tej, nëse tregjet lëvizin në drejtim të kundërt nga tregtimi juaj, ju do të jeni në humbje. Duhet të konsideroni nëse e kuptoni se si funksionojnë CFD-të dhe nëse mund të përballoni rrezikun e lartë të humbjes së parave tuaja.

Shitja e shkurtër e CFD-ve në tregun në rënie

Tregtimi me CFD-të ju mundëson shitjen (e shurtër) të instrumentëve, nëse besoni se vlera e tij do të bjerë, me qëllim të fitimit nga ndryshimi i parashikuar i rënies. Nëse parashikimi juaj është i saktë, instrumentin mund ta blini sërish me një çmim më të ulët për të realizuar fitim. Nëse parashikimi juaj ka qenë i gabuar dhe vlera rritet, ju do të jeni në humbje.

Për t’u siguruar se mund të mbuloni çfarëdo humbje që mund të ndodh në pozicionet tuaja, Fortrade kërkon një peng të mjaftueshëm. Pengu kryesisht quhet margjinë. Margjina në dispozicion në llogarinë tuaj do të kufizojë volumin e pozicioneve që ju do të mund t’i hapni.

Shprehja levë shpeshherë përdoret për të përshkruar kërkesat e margjinës. Për shembull, leva 50:1 korrespondon me kërkesën e margjinës prej 2% (1 pjestuar me 50 është 0,02 ose 2%). Kërkesa e margjinës prej 2% do të thotë se nëse dëshironi të hapni një pozicion të ri, atëherë duhet të keni 2% të shumës në dispozicion për atë margjinë.

Për shembull: Nëse kapitali i klientit aktualisht është 1 000 GBP dhe ai vendosë të hapë një pozicion blerës prej 100 000 GBP/USD, që do të thotë se leva e ofruar është 1 kundrejt 100; kjo pasqyron kërkesën e margjinës prej 1%.

Në këtë rast, klienti së paku duhet të ketë një kapital prej 1% nga 100 000 GBP (1 000 GBP) për të hapur atë pozicion – nëse e posedon atë shumë, tregtia do të hapet me sukses.

Në rast se klienti ka një kapital më të ulët se 1 000 GBP derisa përpiqet të hapë pozicionin e njëjtë, transaksioni nuk do të hapet, gjegjësisht do të jetë i pasukesesshëm.

Fortrade kërkon një margjinë të caktuar e cila duhet të jetë në dispozicion në llogarinë tuaj për çdo tregti në të cilën hyni.

Këtu mund të shihni listën e normave të margjinave të Fortrade-it: Detajet e produktit tregtues.

Duhet të mbani një margjinë të mjaftueshme në llogarinë tuaj për të mbështetur pozicionet tuaja të hapura. Ju jeni përgjegjës për përcjelljen e llogarisë suaj për të parandaluar mbylljen e margjinës.

Mbyllja e margjinës do të ndodh në rrethanat në vijim:

Kur kapitali përgjysmohet ose bie nën gjysmën e margjinës së përdorur. Platforma e Fortrade-it do të përpiqet ta lajmërojë përdoruesin e regjistruar në platformë nëpërmjet thirrjes margjinale.

Kur kapitali bie nën 50% të margjinës së përdorur, platforma Fortrade automatikisht do të likuidojë të gjitha pozicionet e hapura në të njëjtën kohë.

Vini re: në tregjet që lëvizin shumë shpejtë, do të ketë shumë pak kohë për paralajmërim ose ndoshta nuk do të ketë aspak kohë për paralajmërim.

Nëse tregtia nuk është në dispozicion për pozicionet e caktuara të hapura gjatë mbylljes së margjinës, ato pozicione do të mbeten të hapura dhe Fortrade do të vazhdojë të përcjellë kërkesat e margjinës suaj. Kur tregjet të rihapen, për pozicionet tjera të hapura mund të kërkohet mbyllja e margjinës nëse në llogarinë tuaj nuk ka mjete të mjaftueshme.

• Vazhdimisht përcillni gjendjen e llogarisë suaj.
• Përdorni një levë më të ulët për të përballuar një kërkesë më të madhe të margjinës.
• Caktoni urdhërin e ndalimit të humbjes për çdo tregti të hapur për të kufizuar rrezikun e humbjes. Mund të caktoni kursin e ndalimit të humbjes gjatë tregtisë ose të jepni një urdhër të ndalimit të humbjes në çdo kohë për një tregti të hapur.
• Depozitoni shumën e duhur të mjeteve në llogarinë tuaj për të përmbushur kërkesat e margjinës dhe për të zvogëluar riskun.

• Mbyllni ose reduktoni riskun e pozicioneve individuale për të zvogëluar shumën e kërkuar të margjinës.
• Nëse përdorni një levë më të ulët, mund të rrisni levën në logarinë tuaj si një zgjidhje përfundimtare.
• Transferoni mjete shtesë në llogarinë tuaj. Megjithatë, kini kujdes për kohën që nevojitet për të shtuar mjetet sepse mund të ndodh që ato kanë mbërritur shumë vonë.
• Vini re gjithashtu, që kjo do të rrisë sasinë që mund të humbni. Nëse tregu vazhdon të lëvizë kundër jush, mund të humbni bilancin e llogarisë suaj tregtare.

Për më shumë informacione mbi rregullat e margjinave tregtare në Fortrade, kontaktoni mbështetjen tonë të klientit në [email protected].

Kur çmimi i aksioneve të një kompanie rritet në nivele të pazakonta, një opsion është ndarja e aksioneve për të ulur çmimin e aksioneve individuale, duke i bërë ato të volitshme me rritjen e numrit të përgjithshëm të aksioneve. Me rëndësi është të theksohet se kjo praktikë e mirëvendosur në asnjë mënyrë nuk ndikon në vlerën themelore të kompanisë.
Një shembull:

• Një kompani me një kapitalizim tregu prej 1,000,000$ ka 10,000 aksione të papaguara me vlerë 100$ për një aksion (10,000 X 100$ = 1,000,000$).
• Me një ndarje të aksioneve 1:4, aksionet e papaguara do të shumëzohen me 4 që do të thotë se 10,000 aksione të papaguara do të bëhen 40,000 aksione dhe çmimi i aksioneve do të ulet në 25$ për një aksion duke e mbajtur kështu kapitalizimin e tregut prej 1,000,000$ (40,000 X 25$ = 1,000,000$).

Për arsye të ndryshme, një kompani mund të zgjedhë të kryejë një ndarje të anasjelltë të aksioneve duke rritur çmimin e secilit aksion individual duke konsoliduar numrin e përgjithshëm të aksioneve. Me rëndësi është të theksohet se kjo praktikë e mirëvendosur në asnjë mënyrë nuk ndikon në vlerën themelore të kompanisë.
Një shembull:

• Një kompani me kapitalizim tregu prej 1.000.000$ ka 1.000.000 aksione të papaguara me vlerë 1$ për një aksion (1.000.000 X 1$ = 1.000.000$).
• Me një ndarje të anasjelltë të aksioneve 4: 1, aksionet e papaguara do të konsolidohen me 4 që do të thotë se 1.000.000 aksione të papaguara do të bëhen 250.000 aksione dhe çmimi i aksioneve do të rritet në 4$ për një aksion duke ruajtur kështu kapitalizimin e tregut prej 1,000,000$ (250,000 X 4$ = 1,000,000$).

Nëse një aksion që gjendet nën një aksion Fortrade ndahet/ndahet anasjelltas, Fortrade do të dërgojë një email duke përshkruar si vijon:

Emri i kompanisë dhe aksioneve, lloji i ndarjes dhe data efektive e ndarjes.

Të gjithë porositë e hapura CFDtë ndikuar nga ndarja do të:

1. Mbyllen nga Fortrade në çmimin mbyllës të tregut para ndarjes
2. Pozicionet e reja do të hapen në shumën e re të ndarjes X 1/4 (ndarë me katër)
3. Çmimi i ri do të jetë çmimi mbyllës i së Premtes x 4 (katër herë)

• Të gjithë porositë në pritje të prekura nga ndarja do të fshihen, duke përfshirë porositë Ndalo Humbjen dhe Merr Fitimin.
• Klientët do të munden të hapin tregti të reja me çmimin e ri të tregut pas ndarjes.

Emri i kompanisë dhe aksioneve, lloji i ndarjes dhe data efektive e ndarjes.

Të gjithë porositë e hapura CFDtë ndikuar nga ndarja do të:

4. Mbyllen nga Fortrade në çmimin mbyllës të tregut para ndarjes
5. Pozicionet e reja do të hapen në shumën e re të ndarjes x 4 (katër herë)
6. Çmimi i ri do të jetë çmimi mbyllës i së Premtes X 1/4 (ndarë me katër)

• Të gjithë porositë në pritje të prekura nga ndarja do të fshihen, duke përfshirë porositë Ndalo Humbjen dhe Merr Fitimin.
• Klientët do të munden të hapin tregti të reja me çmimin e ri të tregut pas ndarjes.