Брент vs. WTI Сурова Нафта: 5 Значајни Разлики

Суровата нафта брент и суровата нафта WTI се одредници за нафта кои функционираат како референтни цени за купувачите и продавачите на сурова нафта и хартии од вредност што се нафтени деривати. Реперите за сурова нафта во суштина се референтни кошници за глобалните финансиски пазари - тие помагаат да се постави цена за суровата нафта што се продава со договори со рок, дозволувајќи им на купувачите и продавачите да донесуваат потенцијално профитабилни одлуки.

Иако постојат десетици одредници ширум светот, ќе разговараме за две основни и високоликвидни референци кои ги следат инвеститорите - WTI и Brent нафта, за да ви помогнеме подобро да ги разберете клучните разлики меѓу нив.

1. Локации за екстракција

Суровата нафта Брент се произведува во регионот на Северното Море на Атлантскиот Океан и се меша од неколку локации. Нафтените полиња за овој тип на нафта се наоѓаат во европските области помеѓу Норвешка и Шетланд. Енергетската стока потоа се испорачува преку терминалот Saloomwoo за извозни цели.

Од друга страна, суровата нафта WTI се извлекува во Соединетите Американски Држави, главно од Пермскиот басен (претежно во западен Тексас и југоисточно Ново Мексико). Произведената сурова нафта потоа се испраќа до Средниот Запад и Мексиканскиот Залив за да се рафинира.

2. Содржина и состав

По состав, суровата нафта Брент е лесна и слатка. Таа поседува API “гравитација” на Американскиот институт за нафта (API) - мерење на тежината на нафтените течности во споредба со водата - од 39,8 проценти. Брент, исто така, одржува состав на сулфур од 0,37 проценти (колку е помала содржината на сулфур, толку е полесно да се рафинира, што, во денешните услови на пазарот, е доста привлечно).

Суровата нафта WTI е исто така лесна и слатка, со API гравитација од 39,6 проценти. Нејзината содржина на сулфур се движи помеѓу 0,24 и 0,34 проценти - најчесто, било што под 0,5 проценти е идентификувано како слатка сурова нафта.

3. Геополитички влијанија

Геополитичките прашања околу двата типа на нафта се огромни и комплицирани, особено во време на големи економските предизвици, војни и политичките тензии.

Сега, кога САД извезуваат речиси три милиони барели дневно во повеќе од 100 земји, суровата нафта WTI може да влијае на геополитиката многу повеќе денес отколку во минатото.

Исто ткаа, суровата нафта Брент може да влијае и на меѓународната заедница и на глобалните финансиски пазари, што беше поизразено за време на воениот конфликт во Источна Европа (Украина).

Генерално, глобализацијата и напредните интереси на пазарите во развој доведоа до кревок енергетски сектор, со многу ризици поврзани со шокови во снабдувањето.

4. Трговски берзи

Суровата нафта од типот Брент е меѓународен репер за цените на нафтата котирани на фјучерската берза во Лондон Интерконтинентал (ICE).

Од друга страна, суровата нафта WTI е уште еден глобален репер за лесната сурова нафта што ја проценува само цената на американската нафта на Њујоршката трговска берза, позната и како NYMEX.

5. Цени и репери

И суровата нафта Брент и суровата нафта WTI се деноминирани во американски долари. Тоа значи дека странските купувачи на нафта ќе треба да ги купуваат во познатата зелена банкнота, без разлика на типот на нафта.

Денес, 80 отсто од сите трансакции на сурова нафта се изведуваат во долари, иако ова постепено се менува сега кога повеќе земји размислуваат да се потпрат на други валути и средства за да ги завршат своите трансакции.

Гана, на пример, неодамна објави дека ќе купува нафтени производи во злато. Или, во друг пример, Саудиска Арабија и Кина разговараат за можноста за подмирување на нивните договори во кинески јуани.

Некои нови инвеститори можеби се прашуваат зошто Брент обично е поскап од американската сурова нафта - иако постојат повеќе причини за ова, главната причина е што Брент е почесто користен меѓународен репер што покрива доста поширок географски простор. Згора на тоа, нивото на производство на сурова нафта во САД може да биде уште еден значаен двигател на разликата во цена.

Заклучоци

Иако и суровата нафта од типот Брент и суровата нафта WTI подеднакво се рачунаат како тргување со енергетската стока, има многу разлики кога ќе ги разгледаме одредниците за суровата нафта Брент наспроти WTI.

• WTI се добива од САД, а Брент се произведува во Европа.
• WTI е репер што се тргува на Њујоршката берза, а Brent е глобален репер што се тргува на берзата ICE Futures во Лондон.
• Двата нафтени производи се лесни и слатки, но WTI ужива помала содржина на сулфур.
• WTI и Brent се по цена во американски долари.

» Спремни сте да почнете да тргувате CFD со средства? Научете како да направите профил на Fortrade.